بخێر بهێن   .. نۆبوون بلۆگ پەنجەرەکا بچویکە بۆ دیتن و تێگەهشتنەکا نوی، گرنگیێ ب گەشەپێدانا هزر و شییانێن مرۆڤی ددەت   دیتنا من:    مروڤ ئارمانجە، بەرێ بنیاتێ جڤاکی یە، ئەگەر هاتە ژبیرکرن دێ ئاڤاهییەکێ سست وبێ بنیات دورست بیت، هەر وەختەکێ هروبایەکێ بچویک بهێت دێ هەرفیت.  ناما من:    نۆبوون د هزر وگۆتن وکریارێن مەدا

الخميس، 1 مارس، 2012

ژيان خوديكا كارێت ته‌ يه‌…ده‌نگڤه‌دانا ئاخفتنێت ته‌ يه‌



و:سه‌گڤان حه‌سه‌ن دێره‌شى
دبێژن روژه‌كێ ئێك ژ حوكه‌مائا و كورێ خو يێ بچويك چوونه‌ ده‌رڤه‌ى باژێرى، دا سه‌قايێ خو بگوهورن دوير ژ خه‌م وهوسا باژێرى، و دا بزانن چ ل وێرێ هه‌يه‌، هه‌ر دوو چوونه‌ رێكا گه‌ليه‌كێ كوير، ده‌وروبه‌رێن گه‌لى هه‌مى كه‌ڤرێت گه‌له‌ك بلند بون، د رێڤه‌چوونا خودا د ناڤ گه‌لى دا، كورێ وى هه‌لنگفت..كه‌فته‌ سه‌ر چوكێ خو..گه‌له‌ك ئێشيا..ب ده‌نگه‌كێ بلند كره‌ قێرى، ئائائاه‌…هه‌ر ئێكسه‌ر ژ دوير هه‌مان ده‌نگ  گوه لێبو : ئائائاه‌…هه‌ر وه‌كى ئێك يێ به‌رسڤا وى دده‌ت، كورێ وى پيچه‌ك ئێشانا خو ژبير كر و ما مه‌نده‌هوش!! وگوت: تو كى؟؟ ئێكسه‌ر به‌رسڤا وى هاته‌ دان وگوتێ: تو كى؟؟ كورێ حه‌كيمى توره‌ بو وگوتێ: ئه‌ز يێ پرسيارێ ژ ته‌ دكه‌م؟؟ ب هه‌مان ره‌نگ و ده‌نگ به‌رسڤا وى دا وگوتێ: ئه‌ز يێ پرسيارێ ژ ته‌ دكه‌م؟؟ كوركى ب توره‌بون ڤه‌ وب ده‌نگه‌كێ بلند گوتێ : تو ترسنوكى، وديسان ب هه‌مان شێوه‌ به‌رسڤا وى هاته‌ دان: تو ترسنوكى!!
كورێ بچويك زانى كو يێ پێدڤى يه‌ وانه‌كا دى ژ بابێ خو وه‌ربگريت، بابێ وى يێ راوه‌ستيا يه‌ و  يێ ته‌ماشه‌ى ڤى ديمه‌نى دكه‌ت، مايێ خو تێنه‌كر، كورێ وى زانى دڤێت بابێ سه‌ره‌ده‌ريێ بكه‌ت دا وانه‌كێ بخو ژێ بگريت، كورى ده‌ليڤه‌ دا بابێ خو.. بابێ گوته‌ كورێ خو باب ڤێ جارێ باش گوهێ خو بده‌ به‌رسڤا وى، بابێ ب ده‌نگه‌كێ جوان گوت: ئه‌ز رێزێ لته‌ دگرم، به‌رسڤا وى دا وگوتێ ئه‌ز رێزێ لته‌ دگرم، كورێ وى ما مه‌نده‌هوش!! ئه‌ڤ به‌رسڤه‌ گه‌له‌ك يا جێواز بو دگه‌ل ئه‌ويێن دى، بابێ وى به‌رده‌وام بو وب ده‌نگه‌كێ نزم گوتێ تو چه‌ندێ جوانى، به‌رسڤا وى نه‌دا، كورك ما وهزرا خو كر؟؟ وه‌سا دياره‌ د نهێنيا گوهورينا به‌رسڤێ نه‌گه‌هشت..
بابێ وى گوتێ كورێ من دبێژنه‌ ڤێ دياردا سروشتى ده‌نگڤه‌دان(الصدى) لێ براستى ئه‌و ديارده‌ ژيانا مروڤى بخو يه‌، ژيان هندێ د ده‌ته‌ ته‌ هندى تو د ده‌يێ، رێزێ ل ته‌ ناگريت زێده‌تر ژ ئه‌و رێزا تو ل خو دگرى، ژيان خوديكا كارێت ته‌يه‌، و ده‌نگڤه‌دانا ئاخفتنێت ته‌يه‌.
ئه‌گه‌ر ته‌ دڤێت ئێك رێزێ لته‌ بگريت رێزێ ل خه‌لكى بگره‌… ئه‌گه‌ر ته‌ دڤێت ئێك هاريكاريا ته‌ بكه‌ت هاريكاريا خه‌لكى بكه‌… ئه‌گه‌ر ته‌ دڤێت ئێك ته‌ ب پارێزيت خه‌لكى ب پارێزه‌... ئه‌گه‌ر ته‌ دڤێت ئێك گوهێ خو بده‌ته‌ ته‌ گوهێ خو بده‌ خه‌لكى دا د وان بگه‌هى…ئه‌گه‌ر ته‌ دڤێت ئێك دگه‌ل ته‌ يێ بهينفره‌ بيت د گه‌ل خه‌لكى يێ بهێنفره‌ به‌..ئه‌ڤه‌ سروشتێ ژيانێ يه‌... لسه‌ر هه‌مى بياڤێن ژيانێ دهێته‌ پراكتيكرن… دێ وێ گوه لێبى يا تو دبێژى...دێ وێ بينى يا تو دچينى…

ژێده‌ر: ئه‌نترنێت، په‌رتۆکا چێرۆک و مه‌عنا ، عه‌لاء سادق




ليست هناك تعليقات: