بخێر بهێن   .. نۆبوون بلۆگ پەنجەرەکا بچویکە بۆ دیتن و تێگەهشتنەکا نوی، گرنگیێ ب گەشەپێدانا هزر و شییانێن مرۆڤی ددەت   دیتنا من:    مروڤ ئارمانجە، بەرێ بنیاتێ جڤاکی یە، ئەگەر هاتە ژبیرکرن دێ ئاڤاهییەکێ سست وبێ بنیات دورست بیت، هەر وەختەکێ هروبایەکێ بچویک بهێت دێ هەرفیت.  ناما من:    نۆبوون د هزر وگۆتن وکریارێن مەدا

الاثنين، 20 فبراير، 2012

تێگه‌‌‌هـ وپێناسا گه‌هاندنێ


په‌يڤا گه‌هاندن (communication) د زمانێن ئه‌ورپى دا دزڤريته‌ ره وريشالێن په‌يڤا لاتينى (communis) رامانا وێ "تشته‌كێ هه‌ڤپشك" ژ ڤێ په‌يڤێ، په‌يڤا (commune) يا هاتى، ئه‌وا د چه‌رخێن ده‌ه ويازدێ دا رامانا " كومه‌لا سڤيل" د دا، پشتى وه‌رگرتنا مافێ كارگێريا خويه‌تى بو كومه‌لان ل فه‌ره‌نسا وئيتاليا.
لێ كارێ لاتينى (الفعل اللاتيني) يێ ره وريشالێن په‌يڤا (communicare) رامانا "به‌لاڤكرن، به‌خشكرن" دده‌ت، و ژ ڤى كارى د لاتينى وفه‌ره‌نسيێ دا په‌يڤا (communique) ده‌ركه‌فت، رامانا وێ "به‌لاغه‌كا فه‌رمى، به‌يانامه‌، رونكرن"
دچه‌رخێ (18دا، ڤێ په‌يڤێ (گه‌هاندن) رامانه‌كا سياسى وئيديولوجى وه‌رگرت، وه‌رار كر، هه‌تا ئه‌ڤرو گه‌له‌ك بياڤێن ژيانێ بخوڤه‌گرتين.
گه‌له‌ك تێگه‌ه وپێناسه‌ يێن هه‌ين بو په‌يڤا گه‌هاندن (الاتصال/communication) هه‌ر پسپوره‌ك وزانايه‌ك ب ره‌نگه‌كێ شروڤه‌ دكه‌ت، ل گوره‌ى وى بياڤێ تێدا كار دكه‌ت، جڤاكى، كارگێرى، په‌روه‌رده‌ى، بازرگانى...هتد، ئه‌ڤه‌ چه‌نده‌ك ژ ئه‌وان پێناسا نه‌:
- مه‌به‌ست ژگه‌هاندنێ (الاتصال) ئه‌وه‌ تو بزانى دێ چاوا يێ به‌رامبه‌ر خو تێگه‌هينى؟ رازى كه‌ى؟ پێزانينان گه‌هينيێ؟ كارتێكرنێ لسه‌ر كه‌ى؟ جوره‌كێ په‌يوه‌نديێ دناڤبه‌را خو و وى دا دروست كه‌ى؟
- پروسێسا گه‌هاندن وپێك گوهارتنا پێزانينان ژ لايه‌كێ بو لايه‌كێ دى، چ كه‌سه‌ك بيت يان گروپه‌ك، ب رێكا ئاخفتنێ ولڤينان، ژبو رازى كرنا ئه‌وان يان گه‌هاندنا هنده‌ك پێزانين و بوچوونان لدور بابه‌ته‌كێ.
- شيانێن شروڤه‌كرنا هه‌ر بابه‌ته‌كێ، ونيشادان ب زمانه‌كێ رون بو ژماره‌كا تاكه‌ كه‌سێن جياواز وجودا جودا.
- د.ابراهيم الفقي، دبێژيت: گه‌هاندن وه‌كى روناهيه‌كێ يه‌، چه‌ند شه‌ڤ يا تارى بيت، رێكێ ل به‌ر پێت مروڤى رون دكه‌ت.
- كومه‌لا ئه‌مريكى يا راهێنانان دبێژيت: گه‌هاندن پروسێسا پێك گوهارتنا هزر وپێزانينا يه‌، ژبو ڤه‌ديتنا دئێك گه‌هشتنه‌كا هه‌ڤپشك وباوه‌ريه‌كێ دناڤبه‌را ره‌گه‌زێن مروڤايه‌تى دهه‌ر سازيه‌كێ دا.
- هنده‌ك ڤه‌كوَله‌ر دبێژن: گه‌هاندن ژيانه‌.
ژ ئه‌ڤان هه‌مى پێناسان بو مه‌ ديار دبيت، هه‌مى كار ب رێكا گه‌هاندنێ دهێنه‌ ئه‌نجامدان، پشتى مروڤ ب هه‌مان رێك فێردبيت، هه‌روه‌سا مروڤ يێ دگه‌هاندنه‌كا به‌رده‌وام دا دگه‌ل خوَ ودگه‌ل يێن دى.

ليست هناك تعليقات: